- Trúgva uppá at vit hava funnið loysnina

8. umfar í Betrideildini er á skránni í annaðkvøld og mikukvøldið. Talan er um eitt umfar, ið kann fáa stóran týdning fyri oddastríðið og fyri stríðið í botninum.

Tað byrjar í morgin, har AB (nummar sjey) tekur ímóti EB/Streymi (nummar níggju). Ein tíma eftir fyrsta bríksl á Argjum byrjar dysturin í Gundadali, har nummar tvey á stigatalvuni vitjar hjá nummar fýra. Bert eitt lið skilur NSÍ og B36 undan dystinum.

Hjá B36 hava úrslitini í seinastu topp-fimm dystunum ikki verið góð. Tvey 4-2 tap innan fimm dagar - ov óstøðugt er niðurstøðan hjá Árna Frederiksberg, ið vísur á, at tað skal vera truplari at skora móti B36:

- Tað hevur verið eitt sindur av utskifting i hópinum vegna skaðar og leikbann, og hetta hevur sett sín dám á seinastu tvær topp-uppgerðinar hjá okkum, har liðið ikki hevur verið heilt støðugt. Vit hava arbeitt hart við tí, og í mun til tey átta málini ið fóru inn móti HB og Vìkingi, má tað sjálvandi ikki henda, um vit ætla okkum nakað burturúr í morgin. Vit trúgva uppá, at vit hava funnið loysnina og síggja fram til dystin móti NSÍ.

Árni Frederiksberg var liðformaður teir dystirnar, ið Andrias Eriksen sat uttanfyri við skaða (Mynd: Bjartur Vest)

Kanturin, ið júst er vorðin 28 ár, dylir ikki týdningin av uppgerðini móti sínum barndómsfelagið: 

- Dysturin er sjálvandi sera umráðandi, tí í løtuni hevur hvørgin ráð at seta stig til, um man ynskir at fylgja við HB. So dysturin er sera umráðandi, um vit skulu klára at vera við í stríðnum um meistaraheitið heilt til endan.

Til seinast vísur Árni Frederiksberg á úrslit í innanhýsis dystum og kravið um ein sigur: 

- Í fjør vann NSÍ ein, B36 ein og ein endaði javnur. So tað vísur bara, at hetta eru javnir dystir, ið kunnu koppa báðar vegir. At vit spæla i Gundadali ger tað, at vit krevja av okkum sjálvum at fáa 3 stig, og eigur tað at vera ein fyrimunur at spæla á heimavølli. B36 hevur oftað staðið seg væl moti NSÍ í Gundadali, og tað gera vit vónandi eisini i morgin. 

Vit verða til staðar í Gundadli við myndatólinum, vit dagføra frá dystunum og eftir seinasta bríksl gera vit samrøður og taka samaunum dystin.