Agnar Prestá
Fyri ellivu árum síðani gjørdist ein tá 24-ára gamal Micheal van Gerwen yngsti PDC heimsmeistari nakrantíð. Nú hevur ein blaðungur onglendingur yvirtikið hetta heitið.
Lagt var upp til eina ógvuliga spennandi PDC World Championship í Alexandra Palace í kvøld, fríggjakvøldið 3. januar, men Luke Littler var væl kaldari enn niðurlendingurin, sum er nærum 18 ár eldri.
Van Gerwen rakti ikki nóg væl tey fyrstu fýra settini - serliga tá hann hevði møguleika at steingja. Tað gjørdi 17-ára gamli onglendingurin hinvegin, og hóast Michael van Gerwen kom í gongd, so kom sigurin ongantíð í vanda eftir 4-0 leiðsluna.
Luke Littler tapti 7-4 í finaluni móti Luke Humphries í fjør. Nú, eitt ár seinni, hevur risatalentið vunnið tíggju ymiskar vaksnamannakappingar. Harímillum er Premier League, og nú er HM-heiti eisini í hús.
Tvey PDC World Championship: Eitt 2. pláss og eitt steyp. Áðrenn og eftir hann tók ímóti tí stóra silvursteypinum, sá Luke Littler rørdur út, og var tað helst ikki heilt gingið upp fyri honum.
Hann kann verða millum teir stóru í dartheiminum leingi. Vegna flotta finalusigurin í kvøld fer ungi maðurin heimafur 4,5 milliónir krónur og stórar upplviingar ríkari.
PDC World Championship-finala 2005
Alexandra Palace (London), fríggjadagin 03.01
Luke Littler - Michael van Gerwen 7-3
Miðaltal:
Littler (102,73)
Van Gerwen (100.69)
Vinarliga broyt tínar kennifíla - og privatlívsstillingar fyri at síggja hetta innihald