Annað

30 ár síðani seinast

Seinast A-landsliðið hjá monnum í flogbólti var á heimavølli, var tá Oyggjaleikirnir vóru í 1989.

Føroyska manslandsliðið fyrireikar seg nú til EM á heimavølli (Mynd: Flogbóltssamband Føroya)

Føroyska manslandsliðið fyrireikar seg nú til EM á heimavølli (Mynd: Flogbóltssamband Føroya)

2019-09-27 14:34 Author image
Agnar Prestá

Fyrsta vikuskifti í oktober eru Føroyar vertir fyri EM fyri smátjóðir í flogbólti.  Skotland, Ísland og Grønland koma á vitjan.

Les meira: Flogbóltur: Føroyar hýsa EM-kapping hjá monnum

Flogbóltssamband Føroya skrivar, at tað kann róliga verða sagt, at tað er ikki á hvørjum degi, at fólk kunnu síggja føroyska A-landsliðið í flogbólti á heimavølli.  Seinnu árini hevur Flogbóltssambadið skipað fyri fleiri altjóða kappingum á heimavølli; m.a ungdómskappingum. EM-kappingin, sum byrjar um tvær vikur, verður fyrsta altjóða kapping fyri A-landsliðið hjá monnum í 30 ár.

Føroyar høvdu virknan leiklut, tá ið Oyggjaleikirnir tóku seg upp fyrstu ferð í 1985. Longu í 1989 hýstu Føroyar Oyggjaleikunum, nummar trý í røðini. Flogbólturin hevur oftast vunnið Føroyum heiðursmerki, og tað var serligt fyri føroyskan flogbólt, tá føroysku menninir vunnu gull á heimavølli. Síðani hevur tað ikki eydnast hjá føroyska flogbóltslandsliðnum hjá monnum at vinna gull, hóast tað hevur verið sera nær við fleiri ferðir

30-ára bíðitíðin er nú av. Oyggjaleikirnir á heimavølli liggja enn nakað úti í framtíðini, men føroyska A-landsliðið í flogbólti verður nú aftur á heimavølli í altjóða kapping.

Flogbóltssamband Føroya heitir á føroyingar um at koma í Høllini á Hálsi at stuðla okkara monnum. 


Dystarskrá: 


Fríggjadag 4. oktober

Kl. 16.00         Skotland – Ísland

Kl. 18.30        Føroyar – Grønland

 

Leygardag 5. oktober

Kl. 16.00         Ísland – Grønland

Kl. 19.00         Skotland – Føroyar

 

Sunnudag 6. oktober

Kl. 14.00         Grønland – Skotland

Kl. 17.00         Føroyar - Ísland

placeholder
placeholder