Hondbóltur

Annika mest eyðsýndi málverjin higartil í EM-undankappingini

Evropeiska hondbóltssambangongan hevur valt føroyska leikaran út eftir dystirnar móti Póllandi og Rumenia.

2019-10-03 09:33 Author image
Agnar Prestá

Í Póllandi hevði hon nakrar góðar bjargingar, men tað var serliga í Høllini á Hálsi sunnudagin, at Annika Fríðheim Petersen visti sínar dygdir. 20-ára gamli málverjin hjá Føroyum pilkaði nógvar bóltar frá dugnaligu rumenunum, og hevði í 1. hálvleiki eitt bjargingarprosent áljóðandi 44.  

EHF hevur valt eina bjarging frá 2. hálvleiki út sum tí næstbestu í fyrstu báðum umførunum. Sí hana her

EFH hevur í einum stutttum videobroti heiðrað Anniku. Leikararnir ið hava gjørt mest vart við seg í teimum báðum fyrstu dystunum eru við - ein frá hvørjum plássi á vøllinum. Málverjin er Annika Fríðheim Petersen, og í brotunum omanfyri sæst ein av hennara heilt góðu bjarginum, ið vóru við at halda Rumenia niðri á 25 málum.


Her er lisitin av leikarum: 

Málverji: Annika Fríðheim Petersen (Føroyar)

Høgri vongur: Jovanka Radicevic (Montenegro)

Høgri bakkur: Anna Vyakhireva (Russland)

Miðja: Sonja Frey (Eysturríki)

Vinstri bakkur: Greta Kavaliauskaite (Litava)

Vinstri vongur: Bo Van De Wetering (Niðurlond)

Strika: Sladana Pop-Lazic (Serbia)

 

placeholder
placeholder