Fótbóltur

B36 kann koma undir liðuna á HB

Hjá árstalsfelagnum snýr tað seg um at byrja hendan triðingin av kappingini væl. EB/Streymur tekur ímóti við Margáir í kvøld.

B36 vann 4-1 á EB/Streymi, tá liðini spældu fyri tveimum vikum síðani (Mynd: Sverri Egholm)

B36 vann 4-1 á EB/Streymi, tá liðini spældu fyri tveimum vikum síðani (Mynd: Sverri Egholm)

2020-06-26 16:48 Author image
Agnar Prestá
placeholder

Um vikuskifti er Sundalagsstevna í Hósvík. Nakað frá Hósvík er leikvøllurin við Margáir, sum í kvøld verður karmur um fyrsta dystin í 10. umfari og í næsta triðinginum í Betrideildini.

Tað er B36, ið er á vitjan. Í fjør spældu EB/Streymur og B36 tveir dystir á Eiði. Árstalsfelagið vann báðar (2-1 og 4-0), men í 2018 vann EB/Streymur 3-2, tá liðini hittust har. Í 2017 fekk EB/Streymur, sum uppflytari, ein málleysan javnleik á heimavølli móti B36. Hin dysturin millum liðini við Margáir endaði 1-2. 

Liðini hittust fyri júst tveimum vikum síðani í Gundadali. Tá vann B36 greiðan 4-1 sigur uttan at heilt folda seg út. Liðið hjá Jákupi á Borg er eisini stórfavorittur í kvøld, men EB/Streymur hevur, sum víst er á omanfyri, givið B36 veruligar trupulleikar í fýra útav fimm heimadystum seinastu árini, og sunnudagin var liðið hjá Jákup Martini Joensen bert fáar minuttir frá at fáa javnleik, tá Víkingur vitjaði.

[object Object]
Víkingur kláraði akkurat ikki at halda Víkingi sunnukvøldið (Mynd: Jens Kr. Vang)

Um B36 vinnur, so er liðið javnt við HB í stigum. Oddaliðið er stórfavorittur á Skála í morgin og hevur betri málúrttøku enn B36, men fyri teir í hvítum og svørtum hevur tað nógv at siga at verða heilt við í oddastríðnum og at halda gongdini við fullum stigatali móti liðum úr niðaru hálvu. EB/Streymur skal stríðast fyri at koma longur burtur frá niðurflytingarstrikuni. 

Vit eru til staðar í kvøld og dagføra beinleiðis frá dystinum og hava myndir frá honum. Aftaná seinasta bríksl taka vit samanum og gera samrøður. 


10. umfar í Betrideildini:
Fríggjadagin 26.06
(19.00): EB/Streymur - B36

Sunnudagin 28.08
(15.00): ÍF - TB
              Skála - HB
              Víkingur - KÍ

(17.15): AB - NSÍ

Støðan: 
1. HB (22 stig) 
2. NSÍ (20 stig) 
3. KÍ (20 stig)
4. B36 (19 stig) 
5. Víkingur (14 stig) 
6. ÍF (13 stig)
7. EB/Streymur (7 stig) 
9. TB (6 stig)
8. AB (4 stig) 
10. Skála (1 stig)

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder