Annað

Badminton: Fyrstu FM-finalistarnir í tvímansleiki funnir

Tvíburðasystrarnar Sanna og Mia Thorkildshøj skulu royna at verja heiti móti norðoyingum, ið vunnu á yngru systrum sínum. Hjá monnum skal ein nýggjur vinnari finnast.

Sanna og Mia Thorkildshø eru aftur í finaluni (Mynd: Badmintonssamband Føroya)

2025-04-25 14:34

Agnar Prestá

Í morgin verður stóri finaludagurin hjá jadminton, borðtennis og judo í Høllini á Hálsi.

Sí eisini: Kontrast FM verður leygardagin á Hálsi

Skráin

Innleiðandi dystir hava verið í Badmintonhøllini í Havn, og í dag eru innleiðandi kappingarnar í blandaðum tvímansleiki.

Í gjár snúð tað seg um tvímansleik hjá kvinnum og monnum.

Íinnleiðandi dystunum í tvímansleiki hjá vaksnu kvinnunum spældu Lena Maria Joensen og Bjarnhild í Buð Justinussen úr KBF, seg í finaluna á heldur serligan hátt. Hetta við at sigra á yngru systrum teirra Ranju Joensen og Oddbjørg í Buð Justinussen.

Bjarnihild frammanfyri og Lena Maria aftanfyri - tær vóru eisini í finaluni í fjør (Savnsmynd: Jens Kr. Vang)

Badmintonssamband Føroya skrivar, at í hinari hálvfinaluni vunnu tvíburðasystrarnar Sanna og Mia Thorkildshøj, HBF, í tveimum settum á Julianna í Heiðunum og Miriam í Grótinum, HBF.

- Talan er soleiðis um eina endurtøka av finaluni í fjør, har Sanna og Mia sigraðu á Lenu Mariu og Bjarnhild í eini spennandi finalu í trimum settum. Sanna og Mia Thorkildshøj skulu soleiðis verja gullið, meðan klaksvíkskvinnurnar óiva eru svangar eftir at fáa gullheiðursmerkini við norð aftur.

Finalan í tvímansleiki hjá kvinnum verður leikt í Høllini á Hálsi leygardagin klokkan 10.

Mynd: Badmintonssamband Føroya

Innleiðandi dystirnir í tvímansleiki hjá monnum vórðu spældir í Badmintonhøllini í Havn í gjárkvøldið.

Í tí einu hálvfinaluni vunnu Árant á Mýrini, MBF, saman við Jónas Djurhuus, HBF, í spennandi tveysettara á Christian Berg Petersen og Leika Dal-Christiansen úr Havnar Badmintonfelagi.

Jónas Djurhuus og Árant á Mýruni í finaluni í fjør (Savnsmynd: Jens Kr. Vang)

Í hini hálvfinaluni vunnu 16 ára gamli Tóki Yngvason Guttesen saman við Fai Yin Wong á Hákun Thorkildshøj Sigvardsen og Ásbjørn Heide Olsen. Allir úr HBF

Í fjør sigraðu Rúni Øster og Magnus Dal-Christiansen á Árant á Mýrini og Jónas Djurhuus í sera tøttum tveysettara í finaluni.

- Sostatt hava Árant og Jónas møguleika at býta silvurheiðursmerkini í fjør um við gullheiðursmerkir við at sigra á nýggja harraparinum Wong og Tóka, sum royna seg fyri fyrstu ferð saman í kapping, skrivar Badmintonssambandið.

Finalan í tvímansleiki hjá monnum verður leikt leygarmorgunin áleið klokkan 10:30 í Høllini á Hálsi.

Mynd: Badmintonssamband Føroya

Sí eisini: Kontrast FM: Fyrstu fýra finalistarnir í badminton funnir

Vinarliga broyt tínar kennifíla - og privatlívsstillingar fyri at síggja hetta innihald