Besiktas-viðhaldsfólk sleppa ikki til dystin

Um nakrir áskoðararnir hjá Besiktas høvdu ætlað sær til dystin millum B36 og Besiktas, so sleppa teir ikki tað.

Liðini hava í felag tikið avgerð um ikki at hava áskoðarapláss til viðhaldsfólk hjá Besiktas. Tað merkir, at turkisku viðhaldsfólkini ikki sleppa inn á leikvallarøkið.

B36 skrivar á heimasíðuni, at bæði feløgini vóna, at hetta verður virt, og vóna ein fair play dyst.

Europa League-dysturin verður hóskvøldið klokkan 19, og verður leiktur á Ovara vølli í Gundadali.