Biðja um frið til at venja

- Einki fremmandafólk rennir túr á Tórsvølli, tá fótbóltslandsliðið venur, eingin súklar á Tórsbreyt tá frælsur ítróttur venur spjótkast og eingin gongur túr við hundinum, á Sandvíkum tá Byrsumúli venur. Sjálvandi ikki, tí hetta er bæði órógvandi og í onkrum førum eisini vandamikið.

- Men á ríðibreytini hjá Føroya Ríðingarfelag við Marknagil, verður alt hetta gjørt, eisini meðan reiðfólk venja, sigur Ríðingarfelagið í dagføring á Facebook.

Kappríðingarbreytin er stongd til 29. august.

- Vit unna vanliga væl bæði fólkum, hundum og súklum at ferðast eftir breytini. Men frá nú av og til heystkappríðingin er av, síðsta vikuskiftið í august, er ríðibreytin, sum felagið sjálvt hevur goldið og ið liggur á økið vit gjalda leigu fyri, stongd fyri øðrum enn reiðfólkið, sigur felagið.

- Ikki tí vit ikki vilja hava fólk eftir breytini, men av tí at hetta er beinleiðis vandamikið, bæði fyri ross, reiðfólk og sjálvandi eisini tey sum fara inn á breytina.

- Breytin ið er okkara Tórsvøllur, er væl hegnað av við elhegnið, og vera fólk biðin um at ganga sunnanfyri breytina, tað er tí meðna Berghestar eru, sigur Føroya Ríðingarfelag.