Fótbóltur

Bláa skýlið alment tikið í nýtslu

Umstøðurnar við Djúpumýrar gerast alsamt betri.

(Mynd: Klaksvíkar kommuna)

(Mynd: Klaksvíkar kommuna)

2021-03-16 08:03 Author image
Sverri Egholm
placeholder

Tá besta besta mansliðið hjá KÍ spældi sín fyrsta heimadyst í hesum kappingarárinum sunnudagin, og vann 2-0 móti NSÍ, varð nýggja skýlið, vanliga rópt Bláa skýlið, samstundis tikið alment í nýtslu.

Ikki kann sigast annað enn, at skýlið er sera snøgt og fjálgar um fótbóltsupplivingina á Djúpumýru, skrivar Klaksvíkar kommuna á heimasíðuni.

Áðrenn dysturin millum KÍ og NSÍ varð bríkslaður ígongd, nýttið Karl Johansen, borgarstjóri, høvið at siga nøkur orð, har hann millum annað ynskti KÍ góða eydnu við kappingini og gav skýlið til KÍ og FSF at nýta.

FSF hevur nevnliga víst áhugað í at hýsa dystum hjá kvinnulandsliðnum og ungdómslandsliðum í Klaksvík, tá ið leikvøllurin hevur fingið sína endaligu UEFA flokk 2 góðkenning, verður sagt.

placeholder
placeholder