Brandur Jacobsen heldur fram sum formaður

Víkingur hevði í kvøld aðalfund. Greitt er, at nevndin heldur fram, og fer nú undir sítt fjórða skeið uttan útskiftingar.

Brandur Jacobsen heldur fram sum formaður í Víkingi, Ólavur Thomsen er næstformaður, Elin Vatnhamar Olsen er skrivari meðan Hanna E. Olsen, Jeffri Olsen og Jákup Poulsen eru nevndarlimir.

- At hava eina so støðufesta nevnd, skal ikki takast fyri givið, og so er tað eisini gleðiligt, at vit eru eitt av fáum feløgum í landinum, sum hava tvær kvinnur í nevndini, sigur Víkingur á heimasíðuni.