Burn og SMS halda áfram sum deildarstuðlar hjá HSF

Seinastu árini hava bestu hondbóltsdeildirnar hjá monnum og kvinnum havt nøvnini Burn-deildin og SMS-deildin.

Soleiðis verður tað eisini framhaldandi - íhvussu er fram til kappingarlok 2023. Hetta er greitt, eftir at hondbóltssambandið og SMS-samtakið hava longt samstarvið um bestu mans- og kvinnudeildina

Kappingarnar koma framhaldandi at bera nøvnini Burn kappingin og SMS kappingin og koma nøvnini at verða sjónlig í flest øllum viðurskiftum, hvat kappingunum viðvíkur, skrivar Hondbóltssambandið á heimasíðu sínari. 

- Tað tykist, sum hava fólk tikið nøvnini á kappingunum, Burn kappingin og SMS kappingin, til sín og saman við tílíkum góðum stuðlum, kunnu vit menna heimligu kappingarnar til eina enn betri merkisvøru, sigur Gunn Ellefsen um longda sáttmálan. 

Forkvinnan í Hondbólttsambandinum og Jákup Suni Berg, ið rekur Burn, hittust herfyri í SMS, har nýggi sáttmálin var undirskrivaður,

- Tað er stuttlig og hugtakandi at vera viðspælari í einari ítróttargrein, har kropsliga menningin hevur verið eyðsýnd seinastu árini. Spælið er vorið skjótari og setur hetta stór krøv til kroppin hjá tí einstaka leikaranum, sigur Jákup Suni Berg.