2018-08-15 17:22
Ari av Rana
Ari av Rana
Belgiski málverjin Thibaut Courtois skifti í síðstu viku úr Chelsea til Real Madrid. Í kvøld skuldi hann spæla sín fyrsta dyst fyri nýggja felagið, tá Real Amdrid og Atletico Madrid bresta saman í Super Cup. Men so verður ikki.
Enski tíðindamiðilin Metro skrivar í dag, at Courtois ikki verður við, tí at Real Madrid hava gloymt at skráseta nýggja málverjan til dystin. Ístaðin verður tað Keylor Navas, sum verjir Real Madrid málið í kvøld.
Real Madrid keyptu Courtois fyri 300 milliónir krónur, og hansara fyrsti dystur verður allarhelst í næstu viku, tá Real Madrid setur hol á spanska kappingarárið móti Getafe.
Super Cup dysturin millum Real Madrid og Atletico Madrid byrjar klokkan 20 í kvøld.
Vinarliga broyt tínar kennifíla - og privatlívsstillingar fyri at síggja hetta innihald