Dan Brimsvík fingið spennandi venjarastarv í Danmark

Fyrr í juli boðaði Lyndby Boldklub frá, at Dan Brimsvík er aftur í felagnum. Nú 38-ára gamli havnarmaðurin var í seks ár - frá 2015 til 2020 - ungdómsvenjari í sælendska felagnum, sum er kent fyri at menna nógvar góðar spælarar.

Nú er Dan "Head of Coaching" í Lyngby BK. Men hvat merkir hetta? Portalurin hevur spurt føroyska venjaran:  

- Heilt yvirskipað so er tað ein leiðslupostur har eg stýri akademi'inum saman við tí sum kallast 'akadamileder' og vit vísa so til ítróttarstjóran í felagnum.

Akademileiðarin hevur við øll tey praktisku viðurskiftini at gera so sum sáttmálar, rekruttering, meðan "Head of Coaching" havi fótbóltspartin undir hond, greiðir Dan Brimsvík frá.

- Í stuttum so havi eg ábyrgdina av venjarum og metodik í felagnum. Eg tryggi mær, at allir venjarar fylgja metodikki og spælistílinum hjá felagnum. Ì løtuni broyta vit eitt sindur spælistíl og tí broytingina - frá besta liðnum og niður á akademi - standi eg fyri at implementera. Eg eri við til fyrireikingar hjá elstu liðunum og tryggi mær at sovenvndu Meso, Makro og Mikro planir eru gjørdar, at venjarar fylgja upp uppá allar leikarar við útviklingssamrøðum og so geri eg útviklingsætlanir fyri venjararnar.

Harvið er hetta ein øðrvísi uppgáva enn at vera ein høvuðsvenjari. Men tað er eitt fulltíðarstarv, har ein skal kenna uppgávurnar hjá øðrum og vera við at seta linjuna í felagnum.

Lyngby hevur eitt stórt akademi og mennir bæði lutfalsliga nógvar spælarar til besta liðið og selur aðrar uttanlands.

Dan Brimsvík skal vera við at menna venjarar og eisini góðskutryggja allar vernjingar hjá elstu liðunum:  U15, U17 og U19.

Føroyingurin er farin í gongd aftur í Lyngby. Hann fór úr felagnum á vetri 2020, tá barndómsfelagið B36 setti hann sum høvuðsvenjara fyri besta mansliðið. Dan førdi B36 til steypakappingina í 2021, kom víðari í Evropa tvær ferðir í bæði 2022 og 2023, men tí landskappingini var gongdin ikki altíð so góð, og í mai 2024 skiltust partarnar. 

Dan Brimsvík var venjari í 07 Vestur í beint undir ellivu mánaðir. Tíðliga í summar fekk hann bjóða starvið í Danmark.