Spældu 86 minuttir á Tórsvølli - rest á Ovara vølli

Í 86. minutti, júst sum Páll Klettskarð legði KÍ á odda 2-0 og tryggjaði klaksvíkingum meistaraheitið, slóknaði ljósið á Tórsvølli, har B36 og Skála spæla.

Tað gekk ein løta og einki hendi. Dómarin tók síðani avgerð um, at dysturin skuldi flytast, og minuttirnir sum restaðu í - fimm minuttir ella so, skuldu spælast á Ovara vølli.

Um tað er hent áður í Føroyum, at sami dystur er leiktur á tveimum ymiskum vøllum sama dag, er ógvuliga ivasamt.

Støðan var longu 5-0 til B36 tá dysturin varð avbrotin, og fleiri mál komu ikki í dystinum.