Hondbóltur

EB vann fyrstu stigini

Við einum 26-22 sigri í Vági í kvøld, hava eiðiskvinnur vunnið síni fyrstu stig fremstu hondbóltsdeildini á hesum sinni.

Glaðar eiðisgentir eftir sigurin í kvøld (Mynd: Eiðis Bóltfelag)

Glaðar eiðisgentir eftir sigurin í kvøld (Mynd: Eiðis Bóltfelag)

2021-11-03 22:51 Author image
Sverri Egholm
placeholder

Tað vóru liðini í botninum, sum í kvøld hittust á Eiðinum í Vági. Hvørki heimaliðið VB ella gestirnir EB hava megnað at skavað nøkur stig saman higartil í ár, so tað var stórur spenningur undan dystinum.

Liðini vóru sera jøvn gjøgnum dystin, og í hálvleikinum vóru bara tvey mál á muni. 12-10 til útiliðið.

Í seinna hálvleiki hildu eiðiskvinnur leiðsluni í mestan mun við tveimum málum, og tá eitt korter var eftir at spæla økti EB enn meira um munin, og fekk eina fýramálsleiðslu 20-16.

Endin var, at EB vann sín fyrsta dyst við úrslitinum 26-22, og fekk síni fyrstu stig í SMS-deildini. Hetta er fyrstu ferð at EB spælir í bestu kvinnudeildini í 39 ár. 

VB - EB 22-26 (10-12)

Stigatalva SMS-kvinnur

1. Kyndil 12 stig (7 dystir)
2. Stjørnan 9 stig (6 dystir)
3. H71 9 stig (5 dystir)
4. Neistin 8 stig (6 dystir)
5. StÍF 4 stig (7 dystir)
6. EB 2 stig (6 dystir)
7. VB 0 stig (7 dystir)


placeholder
placeholder