EB/Streymur hevur gjørt sáttmála við tríggjar ungar leikarar

EB/Streymur boðaði í gjár frá, at felagið hevur gjørt yrkisleikarasáttmála við tríggjar av sínum ungu, lokalu og evnaríku leikarum.

Filip Kruse Johansen er júst fyltur 17. Hann spælir á verjuni og á miðvøllinum. Jákup Hummeland spælir fyri tað mesta á teimum meira framrættaðu miðvallarplássunum, og Fayo Kruse er ein spennandi málverji, ið hevur spælt 8 U-landsdystir.

Hesir tríggir hava skrivað undir sáttmála, ið er galdandi fyri restina av 2020 og fyri 2021.

Jákup Hummeland og Filip Kruse Johansen saman við Fróða Reinert Petersen (Mynd: EB/Streymur)