Fótbóltur

U21-javnleikurin: Eigur ikki at bera til

Bert helmingurin av útileikarunum, ið byrjaðu inni á føroyska U21-landsliðnum í gjár, byrja fast inni hjá liði í Betrideildini - flestu mótstøðuleikararnir spæla fast ella javan í bestu fronsku deildini, málverjin í Premier League, og ein er júst seldur til Real Madrid fyri yvir 200 milliónir.

Føroysku leikararnir stríddust fyrimyndarliga væl móti Fraklandi, ið eftir øllum at døma burdi vunnið trygt í gjár. Her er tað Pætur Skipanes, ið ikki hevur spælt fyri NSÍ eftir summarstegðin vegna skaða, og sum skræddi gipsið av fyri stuttum, ið verjir fyri (Mynd: Fótbóltssamband Føroya)

Føroysku leikararnir stríddust fyrimyndarliga væl móti Fraklandi, ið eftir øllum at døma burdi vunnið trygt í gjár. Her er tað Pætur Skipanes, ið ikki hevur spælt fyri NSÍ eftir summarstegðin vegna skaða, og sum skræddi gipsið av fyri stuttum, ið verjir fyri (Mynd: Fótbóltssamband Føroya)

2021-09-07 12:04 Author image
Agnar Prestá
placeholder

Aftur í gjár prógvaði eitt føroyskt landslið, at tað ber til at spæla spennandi dystir móti landi, ið hevur greitt betri fyritreytir, og sum vit á pappírinum ikki eiga at hava møguleika at fáa stig ímóti.

Summar veddingarfyitøkur høvdu tað heldur ikki sum møguleika at seta pening á Frakland - so stórur favrorittar vóru "The Blues" í Gundadali - Átta av leikarunum, ið vóru í fronsku byrjanaruppstillingini í U21-dystinum í Gundadali, spæla fast ella javnan í bestu fronsku deildini. Virði á franska liðnum er fleiri hundrað milliónir so stórt sum tað á tí føroyska.

1
Illan Meslier (M)
Leeds United
3
Adrien Truffert  82'
Stade Rennais FC 1901
4
Loïc Bade
Stade Rennais FC 1901
5
Benoît Badiashile (L)
AS Monaco
7
Nathanael Mbuku  66'
Stade de Reims
8
Maxence Caqueret
Olympique Lyonnais
9
Arnaud Kalimuendo  66'
Racing Club de Lens
10
Eduardo Camavinga
Real Madrid CF
11
Amine Gouiri
OGC Nice
12
Sofiane Diop  81'
AS Monaco
20
Pierre Kalulu
AC Milan

Teir fyrstu ellivu hjá Føroyum - Mynd: FaroeSoccer

Nevnast kann millum annað, at miðverjarnir, Badiashile og Bade, eru byrjaðir inni í hvørjum dysti hjá liðum sínum í Ligue 1 í hesum kappingarárinum, og tað er Caqueret eisini, fyri liðið sum endaði nummar fýra í fjør, og nú skal spæla bólkaspæl í Europa League. Kalimuendo gjørdist meistari við Lens í fjør og skoraði sjey mál í deildini, ið eftir UEFA-styrkilistanum er tann sættbesta í heimspartinum. Høgri bakkurin, Kalulu, er knýttur at AC Milan. Málverjin, ið gjørdi ein stóran feil í samband við málið hjá Steffani Løkin, hevur vart málið hjá Leeds United allar minuttirnar í Premier League í ár. 

Sí eisini:
Myndir: Føroyar - Frakland U21
Her sært tú málið hjá U21

18-ára gamli Eduardo Camavinga var á ynskilistanum hjá nógvum stórfeløgum í summar. Miðvallarin, ið skoraði í 3-0 sigrinum á Hvítarusslandi hóskvøldið, varð seldur úr Rennes til Real Madrid fyri 30 milliónir evrur, stutt áðrenn flytingarvindeygað lat aftur. Í gjár spældi hann 90 minuttir á Ovara Vølli í Gundadali. Tað gjørdi áleyparin Amine Gouiri eisini, og hann legði Frakland á odda longu eftir sjey minuttir. Gouiri hevur skorað trý mál fyri Nice í fýra dystum í ársins League 1, og hann gjørdi eisini trý mál, tá Frakland vann 7-0 á Føroyum í U17 EM-endaspælinum í 2017.

Føroyskir stríðsmenn - Bagge fingið stig í yvir helminginum av dystunum

Menninir ið mannaðu miðverjuna í seinastu dystunum í fjør, Andrias Edmundsson og Samuel Johansen Chukwudi, vóru ikki tøkir vegna skaðatrupulleikar. Tað sama er galdandi fyri Magnus Holm Jacobsen, ið vanligt er bindilið á miðvøllin, vongin Lukas Giessing, ið hevur spælt fleiri góðar U21-landsdystir, og tvífalda málskjúttan frá Armenia-dystinum í juni og fasta áleyparanum undir Sámal Erik Hentze, Jonn Johannesen. Hanus Sørensen var eftir í Armenia, tí hann er smittaður við koronu.

Tað er ógvuliga sannlíkt, at allir hesir høvdu byrjað inni móti Fraklandi, um teir vóru við. Í byrjanaruppstillingini hjá Føroyum spælir helmingurin av útileikarunum ikki fast á sínum liði í Betrideildini í løtuni: 

Føroyar: Bárður á Reynatrøð(Víkingur), Sjúrður Pauli Nielsen (NSÍ), Áki Johannesen (B68), Børge Petersen (KÍ), Pætur Turiðarson Skipanes (NSÍ) - Símun Sólheim (EB/Streymur), Noah Mneney (Víkingur), Stefan Radosaljevic (HB), Áki Debes Samuelsen (HB) - Andrass Johansen (B36), Steffan Ábrahamsson Løkin (B68)


Liðformaðurin Stefan Radasavljevic hevur verið triði innskiftari hjá HB seinastu tríggjar dystirnar og byrjaði eisini á bonkinum í øllum teimum fýra evropeisku dystunum í juli-august. Liðfelagin Áki Samuelsen er bert 17 ár, men fær tó javnan spælitíð á besta liðnum. Miðverjin Børge Petersen kom inn í yvirtíðini í síðsta dystinum hjá oddaliðnum í Betrideildini, men klaksvíkingurin spælir sínar flestu minuttir í 1. deild. Makkarin í miðverjuni í gjár, 18-ára gamli Áki Johannesen, varð ikki upprunaliga úttikin, er fyri kortum fluttur aftur í miðverjuna hjá B68 og byrjaði í gjár inni á fyrsta sinni á U21-landsliðnum. 

Bakkarnir úr NSÍ, Sjúrður Pauli Nielsen og Pætur Turiðarson Skipanes, hava, av ymiskum orsøkum, ikki spælt í Betrideildini í ávíkavist umleið fýra og tríggjar mánaðir. Teir vóru ógvuliga stinnir í gjár. Tveir leikarar komu inn, beint eftir at ein tími var leiktur. Talan var um 17-ára gamla Heina Fossdalsá Sørensen úr FC Midtjylland, og Gullbrand Øregaard, ið júst hevur fingið sín fyrsta dyst fyri Sandnes Ulf í næstbestu norsku deildini - báðir spæla annars fast á ungdómsstøði - til samanlíkning skifti Frakland leikarar úr bestu deildini í Fraklandi inn; millum annað yngra sonin hjá Lillian Thuram.

[object Object]

[object Object]Myndir: FSF

Tað er undurnarvert, hugvekjandi og fantastiskt, at teir føroysku leikararnir, harav eingin sum so er yrkisleikari, saman megnaðu at fáa eitt slíkt úrslit í hús móti einum av sterkastu U21-landsliðum, sum eru. Hetta hevur vakt ans uttanlanda, og hetta er enn eitt næstan ótrúligt úrslit í føroysku U21-søguni.

Núvverandi høvuðsvenjarin, Sámal Erik Hentze, hevur nú fýra sigrar, fýra tap og ein javnleik í níggju dystum, og hetta eru óvanliga flott hagtøl. Tvey av tapunum vóru móti Spania á heysti í fjør. Føroyar eru á 2. plássi í bólkinum við fýra stigum. Næsta uppgáva er Norðurmakedónia á heimavølli um júst ein mánaða. 

placeholder
placeholder