![placeholder](https://roysni.fo/css/img/banner2x1.png)
Kavi liggur kring landið, men flestu liðini fáa tó vant á rímiligum støði, tí kavaruddingin er góð. Veðurforsøgnin til vikuskifti sær tó ikki ov gott út - nú fer tað at gerast kaldari, og hóast til ber at salta, so er tað avmarkað, hvussu leikvallirnir í Føroyum eru bryjnaðir til niður ímóti tíggju kuldastigum í løtum.
Eingin stórvegis broyting er í forsøgnunum nú, í mun til fyrr í vikuni, og tí hevur Fótbóltssamband Føroya fyri løtu síðani boða feløgunum frá, at eingin fótbóltur verður í vikuskiftinum.
Tað hevur Portalurin nú fingið upplýst, og hesar broytingar eru eisini gjørdar á Comet-skipanini og kunnu harvið síggjast undir Kappingar og Úrslit á fsf.fo.
Hetta ávirkar 2. umfar í Betrideildini hjá monnum - dystirnir har verða fluttir til 12. apríl - 1. umfar í Betrideildini hjá kvinnum - teir dystirnir eru fluttir í mai - umframt 1. deild og 2. deild hjá monnum og U21. Tó hava B68 og FC Hoyvík í 1. deild ístaðin framskundað sín dyst til í kvøld klokkan 20 á Svangaskarði.
Kvinnurnar, 2. deild hjá monnum og U21 skuldu fara í gongd hetta vikuskifti, men skulu nú bíða umleið eina viku afturat. Fyrstu dystirnir hjá Betri-kvinnum liggja nú leygardagin 18. mars.
Aðrar broytingar eru til næsta vikuskifti, ið sum skilst snúgva seg meira um landsliðsvirksemið. Tað sum eitur 3. umfar í næstbestu mansdeildini er framskundað ein dag, til fríggjakvøldið 17. mars, og EB/Streymur - B68 og stórdysturin HB - Víkingur í Betrideildini hjá monnum liggja nú leygardagin 18.03. Hesir eru framskundaðir ein dag. Hendan leygardagin spæla B68 og KÍ sum ætlað, og so er tað TB - ÍF og AB - 07 Vestur, ið eru á skránni sunnudagin 19. mars.
3. umfar í Betrideildini hjá monnum, ið nú blívur umfar nummar 2, verður spælt soleiðis:
Leygardagin 18.03
?? HB - Víkingur
?? EB/Streymur - B36
16.00 B68 - KÍ
Sunnudagin 19.03
15.00
TB - ÍF
AB - 07 Vestur
Tað, sum skuldi verða 2. umfar, sær soleiðis út
Mikudagin 12.04
ÍF - EB/Streymur
AB - KÍ
B36 - 07 Vestur
TB - HB
B68 - Víkingur
Vinarliga broyt tínar kennifíla - og privatlívsstillingar fyri at síggja hetta innihald