Elias toppskjútti og besta miðja í HM

U21 HM-endaspælið er av og Føroyar gjørdust sum kunnugt nummar 7 av 32 liðum í kappingini. Sum vanligt, var eitt all-star lið valt fyri kappingina, og her eiga Føroyar ein leiklut.

Besta miðja í kappingina var kosin Elias Ellefsen á Skipagøtu. Hann var eisini toppskjutti í kappingini við 55 málum, ájavnt við Naoki Fujisaka hjá Japan. Elias hevði eisini 48 fríspælingar (assists) í kappingini, heili 13 meir enn tann næsti í røðini.

Týskland vann finaluna og er heimsmeistari í U21 hjá monnum, og Ungarn bleiv nummar tvey. Ísland vann bronsudystin móti Serbia.

All-star liðið sær soleiðis út:

MVP (Most valuable player) Nils Lichtlein, Týskland

Málverji: David Späth, Týskland

Vinstri vongur: Pedro Oliveir, Portugal

Vinstri bakkur: Milos Kos, Serbia

Miðja: Elias Ellefsen á Skipagøtu, Føroyar

Høgri bakkur: Zoran Ilic, Ungarn

Høgri vongur: Kristófer Máni Jónasson, Ísland

Strika: Justus Fischer, Týskland