Ingi Samuelsen
07 Vestur hevur heintað enn ein leikara úr Noregi at styrkja um unga liðið. Hesaferð er tað úr Raufoss, haðani miðvallarin Martin Heiberg flytir til Heðin Askham og hansara menn.
Tá hevur ligið leingi í kortunum, at 07 Vestur ynskti at styrkja um hópin við einum áloypara og einum miðvallarleikara. Tann seinni av hesum eru nú fingin upp á pláss, við 24-ára gamla Martin Heiberg, sum flytir úr Raufoss úr OBOS-liguni, næstbestu deildini, í Noregi. Martin hevði tíðandi leiklut í uppflyting teirra í fjør, og fer at vera 07 Vestur góður styrkur hetta komandi kappingarárið, skrivar felagið á heimasíðu síni.
Herfyri skrivaði felagið undir við ein annan norðmann, Erling Mykland, sum skuldi spæla fyrsta dyst í venjingardysti móti KÍ, men hesin er útsettur fyribils. Martin Heiberg verður klárur til dyst í komandi viku eftir sóttarhald.
Vinarliga broyt tínar kennifíla - og privatlívsstillingar fyri at síggja hetta innihald