Eriksen aftur á landsliðnum

26. februar var hann aftur á vøllinum í einum skrásettum fótbóltsdysti, tá hann varð skiftur inn fyri Brentford í Premier League-dysti móti Newcastle. Teir báðar seinastu dystirnar hjá Brentford hevur 30-ára gamli danin spælt 90 minuttir og er harvið væl fyri. 

Tað varð væntað, at Christian Eriksen skjótt fór at verða tikin út á landsliðið aftur, og nú er hetta veruleiki. Tað kunngjørdi Kasper Hjulmand á tíðindafundi í morgun, har hann eisini fekk heiðurin sum ársins danski venjari 2021. 

Danmark spældi seg í EM-hálvfinaluna síðsta summar, har tað endaði við tapi fyri Ongland eftir longda leiktíð á Wembley. Hetta vóru tríggjar og eina hálva viku eftir, at Christian Eriksen small um við hjartatilburði í Parkini. 

Hann kom tíbetur skjótt fyri seg og Eriksen hevur í vetur arbeitt við at spæla fótbólt á hægsta støði. Í vikuskiftinum legði hann upp til mál í Premier League og 26. mars kann hann fáa comeback fyri danska landsliðið, tá spælt verður á gamla heimavøllinum hjá Eriksen í Amsterdam. Talan er um venjingardyst millum Danmark og Niðurlond. Tríggjar dagar seinni spælir Danmark móti Serbia.

Danski hópurin til dystirnar:

Kasper Schmeichel, Leicester City 

Frederik Rønnow, Union Berlin

Daniel Iversen, Preston North End

Alexander Bah, Slavia Prag

Andreas Christensen, Chelsea

Jannik Vestergaard, Leicester City

Joachim Andersen, Crystal Palace

Joakim Mæhle, Atalanta

Rasmus Nissen, Red Bull Salzburg

Victor Nelsson, Galatasaray

Christian Eriksen, Brentford

Christian Nørgaard, Brentford

Jesper Lindstrøm, Eintracht Frankfurt

Mathias Jensen, Brentford

Philip Billing, Bournemouth

Pierre-Emile Højbjerg, Tottenham

Thomas Delaney, Sevilla

Andreas Cornelius, Trabzonspor

Andreas Skov Olsen, Club Brugge

Jacob Bruun Larsen, Hoffenheim

Jonas Wind, Wolfsburg

Kasper Dolberg, Nice

Yussuf Poulsen, RB Leipzig