FC Suðuroy sigraði í Suðuroyaruppgerðini

Tað er stórur fagnaður í sunnaru helvt av Suðuroynni í kvøld - serliga á fótbóltsspentum fólki. FC Suðuroy hevur nú vunnið sín fyrsta sigur í bestu mansdeildini síðani 27. september 2015. Og so var tað móti TB.

Uppflytararnir brustu saman á Eiðinum í Vági fyrri í kvøld. Sum væntað var tað tætt og inntenst við millum annað gulum kortum inn ímillum.

Heimaliðið fekk einasta málið í dystinum. Hesum syrgdi Dánjal Godtfred, sum áður hevur spælt við TB, fyri. Hartarbeiðandi miðvallarin sló til nærum beint eftir steðgin.

Talan var um fyrsta málið hjá FC Suðuroy í ár og saman við rætta avrikinum restina av dystinum helt liðið hjá Pól Thorsteinssn málið reint fyri fyrstu ferð í ár, og tryggjaði tað fyrstu stigini.

Trý ógvuliga kærkomin stig: Í oyggjaruppgerð og móti einum av kappingarneytunum. Sigurin lyftir fyribils FC Suðuroy uppum júst TB og uppum niðurflytingarstrikuna.

Eftir eina góða byrjan undan landsliðssteðginum, við stigi móti føroyameistarunum og úti móti EB/Streymi, var hetta størsti smeitur higartil í ár hjá TB.

4. umfar í Betrideildini
Hósdagin 3. apríl
FC Suðuroy - TB 1-0 (0-0)
48' Dánjal Godtfred (Jákup Twafik Joensen)

Sí meira um dystin her

Hesir byrjaðu klokkan 18.30: 
B68 - KÍ (0-0)
NSÍ - 07 Vestur (2-1)
EB/Streymur - HB (2-0)
B36 - Víkingur (1-0)

Støðan eftir 
1. NSÍ 9 stig 
2. HB 9 stig 
3. KÍ 9 stig
4. EB/Streymur 4 stig
5. B36 3 stig 
6. FC Suðuroy 3 stig *
7. B68 3 stig
8. TB 2 stig *
9. Víkingur 2 stig
10. 07 Vestur 1 stig

*Ein dyst fleiri