Agnar Prestá
Í kvøld skulu Føroyar takast við Ukraina í Royal Arena í danska høvuðstaðarøkinum.
Tað verða nógvir føroyskir áskoðarar í stóru og snotiligu høllini. Júst talið er trupult at meta um, men tað er útselt til stóra hondbóltsdagin í Ørestad, ið umframt dystin hjá Føroyum inniheldur Danmark-Montenegro. Tað er pláss til beint undir 12.000 áskoðarar í høllini.
Fyri teir mongu føroyingar ið eru komnir niður, og fyri teir mongu ið búgva her, er góður møguleiki fyri at hita upp saman og veruliga koma í landliðshuglag undan uppgerðini. Frá klokkan 14.30 er tiltak, har føroyskur tónleikur fer at ljóða, andlitsmáling verður, og lagið verður helst í topp.
Ógvuliga passandi er tað, at upphitingin verður á Oyrasundskolleginum á Amager, har ein rúgva av føroyingum búgva. Fyrireikararnir kalla tað “ghetto-upphiting". Tað er í "Sumpen", sum er ímillum tveir íbúðarblokkar.
Upphitingin er ókeypis, og øll eru vælkomin.
Vinarliga broyt tínar kennifíla - og privatlívsstillingar fyri at síggja hetta innihald