Fjórðingsfinalurnar hjá kvinnum verða spældar í kvøld

Tað eru tveir á pappírinum greiðir favorittar í fjórðingsfinalunum í SMS-deildini, sum eru á skránni í kvøld.

FM-fjórðingsfinalurnar í SMS-deildini
Leygardagin 5. apríl
18.00: VÍF - Stjørnan  
19.30: Neistin - StÍF

H71 og Kyndil eru beinleiðis víðari til hálvfinalurnar. Tey endaðu ávikavist nummar tvey og eitt í grundspælinum

VÍF endaði 21 stig frammanfyri Stjørnuna í grundspælinum og var nær við at vinna sær 2. plássið og harvið beinleiðis pláss í hálvfinalunum. Vestmannakvinnur vunnu allar innanhýsis dystirnar á Stjørnuni - fyri jól vóru tveir við 21 og 19 málum.

VÍF hevur tveir spælarar, sum skulu við landsliðnum í næstu viku, tá Litava bíðar í avgerandi HM-undandystum (Fríða Nolsøe Olsen og Rannvá Olsen). Tær skulu í dag liva upp til favorittleiklutin á heimavølli. Í dystinum í februar var ikki heilt stórur munur á liðnum, og Stjørnan kann fara til Vestmannar og spæla heldur frítt í hesari fjórðingsfinaluni.

StÍF hevur megna at fingið ein javnleik móti Neistanum í ár. Hetta var aftur Bjørk Franksdóttir Joensen kom aftur til felagið. Høgri bakkurin er nú úti við knæskaða, og tað kann vera ein stórur smeitur fyri Neistan í hesum endaspælinum. 

Ellivu stig skiltu liðini í grundspælinum, og við heimavøllinum eigur Neistin eisini ein lítlan eyka fyrimun. Í fjør var StÍF í FM-finalunum. Vinnarin av hesari uppgerðini skal helst møta suverena Kyndli í hálvfinalunum.

Bjørk F. Joensne kom aftur úr Danmark í januar og styrkti Neistan. Hon noyðist tó at hyggja at í kvøld - talan kann verða um seinasta dyst byr Brynju Høj fyri Neistan (Mynd: Sverri Egholm)

Til ber at fylgja gongdini í dystunum ovast á Roysni ella á portal.fo. Dystirnir síggjast á live.hsf.fo.