Tíðindaskriv
Endaligur støðurnar í Norðurevropisku flogbóltskappingini, sum hevur verið í Ikast seinastu vikuna gjørdust hesar:
U17 NEVZA dreingir
Norsku dreingir, sum í hálvfinaluni fingu skarpan gang frá Føroyum, vunnu í gjár gullið í sera spennandi finalu ímóti Finnlandi.
Einki bendi tó á at norðmenn skuldu vinna, tí í fyrsta og øðrum setti vórðu teir snøgt sagt hølvaðir av 25-7 og 25-10.
Men triðja settið vann Noreg 26-24 og fjórða 25-18, og við 15-13 í javnbrótaranum, tryggjaði Noreg sær gullið frammanfyri nipnu finnunum, sum í innleiðandi bólkaspælinum høvdu smurt Noreg av 3-0 við settúrslitunum 27-25, 25-15 og 25-12.
Endaliga støðan í dreingjakappingini:
Gull: Noreg
Silvur: Finnland
Bronsa: Føroyar
Nr. 4 Svøríki
Nr. 5 Danmark
Nr. 6 Ísland
Nr. 7 Ongland
U17 NEVZA gentur
Í gentukappingini var tað Finnland, sum vann gullið við 3-1 sigri á Danmark.
Eftir at Danmark vann fyrsta settið 25-16, var stórur munur á næstu tveimum settunum, sum Finnland vann 25-18 og 25-14.
Í fjórða setti stóð á gomlum nøglum, men Finnland vann at enda 27-25.
Endaliga støðan í gentukappingini:
Gull: Finnland
Silvur: Danmark
Bronsa: Noreg
Nr. 4 Føroyar
Nr. 5 Ongland
Nr. 6 Svøríki
Nr. 7 Ísland
Nr. 8 Grønland
Vinarliga broyt tínar kennifíla - og privatlívsstillingar fyri at síggja hetta innihald