placeholder
Fótbóltur

Flyta hálvfinaluna í Sarpugerði vegna høgætt

Víkingur og B36 spæla sunnudagin klokkan 15 ístaðin fyri leygardagin, tí veðurforsøgnin vísur á nógv betri veður sunnudgin - harvið verða fyrru hálvfinalurnar samstundis. Báðir dystirnir verða vístir í Televarpinum.

Tað var nakað av kava, tá B36 og Víkingur spældi landskappingardyst í Tórsvølli í apríl - veðurforsøgnin til leygardagin ger, at liðini spæla ein dag seinni enn ætlað (Mynd: Sverri Egholm)

Tað var nakað av kava, tá B36 og Víkingur spældi landskappingardyst í Tórsvølli í apríl - veðurforsøgnin til leygardagin ger, at liðini spæla ein dag seinni enn ætlað (Mynd: Sverri Egholm)

2021-11-18 16:11 Author image
Agnar Prestá
placeholder

Vit eru í seinnu hálvu av november, og eins og í fjør fyrieika summi feløg seg til seinastu dystirnar á árinum. 

Eins og í 2020 skulu B36 og Víkingur stríðast um annað finaluplássið í kappingini um Løgmanssteypið og HB og NSÍ um hitt. Hesuferð verður tó talan um ein heimadyst og ein útidyst hjá hvørjum liðið og ikki ein dyst á uttanveltaðum vølli. 

[object Object]
Í fjør spældu tey hálvfinalu við Løkin í Runavík (Mynd: Sverri Egholm)

B36 og Víkingur skuldu seta hálvfinalurnar í gongd leygardagin klokkan trý, men orsakað av at veðurforsøgnin - vegna høgætt í Gøtu, sum B36 skrivar á síðu sínari - til leygardagin ikki er so góð, so er dysturin fluttur eitt samdøgur. Slíkt kann koma fyri, serliga hesa tíðina á árinum, og harvið verða báðu fyrru hálvfinalurnar samstundis; avspark á Tórsvølli og í Sarpugerði verða klokkan 15 sunnudagin.

Fyrr í dag boðaði Televarpið frá, at báðir dystirnir verða vístir.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder