Tíðindaskriv
Leygardagin 2. august klokkan 9 verður skipað fyri golfkappingini Føroya Banki-Open 2025. Tey ið leika 9 hol byrja klokkan 11 í samráði við kappingarleiðslina
Kappingin verður skipað sum ein einstaklingakapping, sum samstundis eisini verður ein liðkapping. Kappingarleiðslan setur liðini saman. Spælt verður við fullum handikappi.
Føroya Banki stuðlar kappingini við at lata øllum luttakarunum eina eskju við Føroya Banka-bóltum. Eisini letur Føroya Banki teimum bestu í einstaklingakappingini vinningar – bæði teimum, ið spæla 18 hol, og teimum, ið spæla 9 hol, tó treytað av at í minsta lagi seks luttakarar tekna seg til hvørja kappingina. Hóast kappingin verður skipað sum ein stableford-kapping, verður vinningur eisini latin tí spælaranum, sum hevur brúkt fægst sløg til 18 hol. Eisini verða aðrir vinningar latnir.
Føroya Banki ynskir við hesum at stuðla golfítróttini, sum fólk í øllum stigum á lívsleiðini kunnu luttaka í. Runt allan heimin er áhugin fyri golfítróttini sera skjótt vaksandi. Tey íðkandi ganga nógv, og mýkja samstundis so at siga alt likamið, tá spælt verður.
Øll, sum við einum handikappprógvi kunnu vísa at hava eitt handikapp, sum í mesta lagi er 54, kunnu tekna seg til kappingina.
Tilmelding vm sæst á heimasíðuni golf.fo og á Facebook vangunum ”Tórshavnar Golffelag” og ”Golf í Føroyum”.
Vinarliga broyt tínar kennifíla - og privatlívsstillingar fyri at síggja hetta innihald