Fótbóltur

Føroyar spæla í bláum í kvøld

Tá føroyska A-landsliðið í fótbólti hjá monnum í kvøld tekur ímóti Andorra, verður tað ikki í hvíta búnanum, sum vit eru von við at síggja.

Rene Shaki Joensen í nýggju bláu landsliðsblusuni. (Mynd: FSF)

Rene Shaki Joensen í nýggju bláu landsliðsblusuni. (Mynd: FSF)

2020-10-13 11:00 Author image
Niels Pauli Danielsen
placeholder

Annað hvørt ár fáa landsliðini hjá Fótbóltssambandi Føroya nýggj spæliklæðir, og yvir fyri UEFA skal boðast frá, hvørjum litum føroysku liðini spæla í tá dystir eru á skránni.

Sum oftast spælir føroyska landsliðið í hvítari blusu, bláum brøkum og hvítum hosum, meðan eykasetti hevur verið bláar blusur, hvítar brøkur og bláar hosur.

Bláa blusan verður vanliga ikki nýtt á heimavølli, men hon kemur til sín rætt, tá Føroyar spæla á útivølli og mótstøðuliðið er í hvítum.

Men tá føroyska A-landsliðið við monnum í kvøld tekur ímóti Andorra, verða føroysku leikararnir í nýggju bláu blusuni, hvítum brøkum og sum nakað nýtt, í reyðum hosum. Hetta letur seg gera, tí avtalað er gjørd við Andorra um, at teir spæla i gulum.

Nýggja bláa blusan er gjørd við íblástri úr Føroyum og føroysku náttúruni.

placeholder
placeholder