Geza og Grimsby fáa aftur Premier League-lið á vitjan

Geza David Turi og Grimsby eru í gongd við eitt sonevnt "Cup-run". Síðst í august slóu teir mæta Manchester United út eftir brotssparkskapping, og í 3. umfari fall Sheffield Wednesday úr næstbestu deildini.

Grimsby er í League Two, sum er fjórðbesta deildin, so gongdin í Carabao Cup er flott. Nú er greitt, at Geza møguliga aftur fær minuttir móti Premier League-liði.

Lutakastið í gjár háttaði seg soleiðis, at Grimsby og Brentford skulu spæla á Blundell Park í 4. umfari. 

Talan er um áttandapartsfinalurnar, og tær verða spældar í síðstu viku í oktober. Grumsby tekur ímóti Brentford 28. ella 29. oktober.