Góða byrjanin hjá Andriasi og teimum heldur fram

Tveir dystir í Ekstraklasa og Andrias Edmundsson hevur framvegis bert roynt at vunnið í bestu pólsku deildini.

Aftur í dag spældi landsliðsprofilurin fullan dyst fyri Wisla Plock, sum var á útivølli.

Rakow Częstochowa, sum gjørdist meistari fyri tveimum árum síðani, var favorittur og legði seg eisini á odda eftir 18 minuttir. 

Wisla Plock brendi bortsspark í 38. minutti, men bert tríggjar minuttir seinni javnaði Iban Salvador.

Sigursmálið kom, tá tjúgu minuttir vóru eftir av vanligu leiktíðini. Síðani hildu Andrias og teir fast. Føroyingurin fekk gult kort í 89 men fult stigatal til uppflytararnar eftir tvey umfør.

Stórur fagnaður í Plock-leguni eftir útisigurin seinnapartin (Mynd: Wisla Plock)

24-ára gamli toftamaðurin er harvið fastur partur av einum liði, sum í løtuni er nummar tvey í bestu pólsku deilini.

Næsta uppgávan hjá Andriasi Edmundsson og teimum verður á heimavølli móti Piast fríggjakvøldið 1. august.