Graslíkið á ovara vølli: Arbeiðið at bøta um byrjar beinanvegin

Tórshavnar kommuna tekur nú neyðugu stigini, so øll fótbóltslið í kommununi kunnu sparka á nýggja graslíkinum á ovara vølli. Málið hevur skund, sigur kommunan.

Tað var í gjár, at in.fo skrivaði um, at venjararnir hjá bestu mansliðunum hjá HB og B36 høvdu gjørt greitt, at teirra lið ikki fóru at spæla dystir á vøllinum. Hetta orsakað av, at bólturin ferðast óvanligt.

Veitarin fer alt fyri eitt at syrgja fyri, at vøllurin lýkur øll krøv. Samskifti hevur verið við veitaran í dag, og hann fer beinanvegin at seta arbeiðið ígongd, so vøllurin verður góður og lýkur krøvini hjá venjarum, leikarum og myndugleikunum, sigur Tórshavnar kommuna.

Kommunan kunnar støðugt feløgini um gongdina.