Gullkrónurnar handaðar í Sarpugerði

Klaksvíkingar fóru seinnapartin til Norðragøtu at spæla seinasta dystin í ár, og at taka ímóti steypinum.

Í steðginum var javnt, men tíðliga í seinna hálvleiki legði liðskiparin Jákup Biskopstø Andreasen KÍ á odda 1-0. Tað leikaði javnt á, og kanska serliga FM-vinnararnir høvdu nógvar góðar møguleikarm, men tað endaði við at vera heimaliðið sum skoraði.

Martin Klein Joensen legði ein dempara á FM-veitsluna tá hann beint fyri leiklok javnaði til 1-1, sum eisini gjørdist úrslitið.

Tað broytti tó einki. KÍ fekk gull um hálsin og kundi lyfta steypið upp í loft.