H71 føroyameistari hjá U18 dreingjum

Nú vit koma longur út á várið, koma kappingarnar í ymsu vetrarítróttunum at enda. Soleiðis er millum annað í ungdómshondbólti, og í gjárkvøldið varð seinasti dysturin í kappingini hjá U18-dreingjunum leiktir.

Talan var um ein avgerðandi dyst, tí H71 skuldi hava stig í Høllini á Hálsi fyri at yvirhála vestmenningar, sum vóru á 1. plássinum og sum høvdu spælt sín seinasta dyst.

Tað eydnaðist eisini hjá hoyvíkingum at vinna og harvið tryggjað sær føroyameistaraheitið hjá dreingjum 18 í tættari kapping við VÍF. H71 vann 42-30 á Kyndli. Neistin fær bronsuna.

Av tí at H71 eisini vann steypafinaluna - 32-22 á Neistanum - so eru hoyvíkingar greuipuvinnarar hjá U18 fyri 2020/2021