Agnar Prestá
Füchse Berlin spældi í gjárkvøldið í Odense, har Fredericia HC hevur heimavøll í Champions League, tí at sín egni heimavøllur ikki er góðkendur til Champions League.
Talan var um triðja umfar í Champions League-bólkaspælinum. Fredericia hevði tapt tveir teir fyrstu dystirnar stórt, men bjóðaði í gjár liðnum úr Bundesliguni av.
Tað var 17-17 í steðginum. Tobias Reichmann spældi á høgra vongi í 1. hálvleiki. Royndi týskarin hevur spælt flestu minuttirnar í seinastuni, men hann fekk einki skot.
Ístaðin kom Hákun West av Teigum inn til sínar fyrstu Champions League minuttir, og 22-ára gamli hoyvíkingingurin tók av.
Hann hevði fimm skot og skoraði fimm mál: 100 prosent. Eitt gott kvøld føroyinginum á Fjóni. Füchse fór eisini so líðandi frá Fredericia og vann 38-32.
Hæddarpunkt frá dystinum síggjast her - einki mál hjá Hákuni er við.
Fýra stig eftir trý umfør. Næsta uppgávan er Erlangen á heimavølli sunnukvøldið. Byrjanin í Bundesliguni hevur ikki verið nakað serlig hjá "revunum".
Vinarliga broyt tínar kennifíla - og privatlívsstillingar fyri at síggja hetta innihald