HB bjóðar fjepparunum við á altjóða ævintýr

Newtown FC er mótstøðuliðið tá HB, silvurvinnarin frá í fjør, skal út í Evropa at royna eydnuna.

HB vil fegin hava fjepparar við, og bjóðar nú teimum at koma við til. Flogið verður úr Føroyum og til Liverpool í Onglandi, har gist verður í tvær nætur.

Á dystardegnum verður farið yvir um markið til Wales við bussi, og heimferðin er beint eftir dystin.

Kostnaðurin fyri túrin er 6500 krónur, sum er íroknað flogferð, gisting og buss millum Liverpool og Newtown.

Freistin at tekna seg er longu á middegi í morgin.