HB váttar nú Mikkels afturkomu

Fyri løtu síðani siteraðu vit danska Tipsbladet fyri søguna um, at toppskorarin í føroyskum fótbólti í 2021, Mikkel Dahl, aftur skal spæla í álopinum hjá HB.

Tá hevði HB ikki váttað tíðindini.

Men tað ger felagið nú. Tað hendir í stuttorðaðum boðum á Facebookvanganum hjá felagnum.

“Væl afturkomin” eru einastu boðini saman við einum filmsklippi, har spælarin sæst sitandi í skiftirúminum í HB troyggju og hyggja eftir einum filmskuti frá KvF á telefonini, har Mikkel skoraði nøkur avgerandi mál í 2021.

“Góð minni. Feitt at vera aftur. Gleði meg til at skapa nýggj” sigur danski áleyparin í filminum.