Heðin kom inn til sín fyrsta landsdyst

Sonni Ragnar Nattestad fekk tjúgu minuttir fyri leiklok ein snuddí einari takkling, og inn í hansara stað kom Heðin Hansen. Hann kom til HB út Víkingi í vetur, og hevur spælt bæði í miðverjuni og á sentrala mivøllinum hjá oddaliðnum. 

Høgi og tekniskt sera sterki leikarin hevur spælt á á einum høgum støði og sær út til at ongantíð hava verið betri fyri. Nú 27-ára gamli Heðin Hansen tosaði eisini undan kappingarbyrjan við venjaran hjá sær í HB, Jens Berthel Askou, um møgulekan at koma á landsliðið: 

- Um tað skuldi verða, so skuldi tað kanska verða nú. Tað kravdi tað, at eg persónliga avrikaði væl, og samstundis at HB avrikaði væl.

Hesum greiddi Heðin Portalinum frá til landsliðsvenjing á Tórsvølli undan Nations League-dystinum móti Malta. Gøtumaðurin varð fyrstu ferð úttikin til dystirnar móti Malta og Andorra, men kom ikki á vøllin í teimum dystunum.

Tað gjørdi hann í dag, og maðurin við 21-talinum á ryggini og bringuni gjørdi tað væl undir liðuni á Odmari Færø, ið tíggju minuttir frammanundan var komin inn fyri Heina Vatndal. 

Føroyar lótu einki mál inn í 2. hálvleiki í 4-0 ósigrinum fyri Danmark. Heðin Hansen gjørdist í kvøld leikari nummar 164, sum hevur umboða Føroyar á hægsta støði í fótbólti.