Heiðraðu tvífalta Danmarksmeistaranum

Í gjárkvøldið skipaðu Vágs kommuna og Vágs Kappróðrarfelag fyri móttøku fyr Nóa Rúnason, sum leygardagin vann báðar kappingarnar til Danmarksmeistara-kappingina í inniróðri, sum hann luttók í.

Í fyrstu kappingini róði Nóa uppá tíð í tveir minuttir, og har megnaði hann at rógva 531 metrar, fimm metrar meira enn nummar tvey, og sostatt vann hann fyrsta DM-gullið.

Í sprint-kappingini kappaðist Nóa eisini á 100 metrar teininum, har tak tók honum 20,7 sekund at rógva teinin. Nóa var eitt sekund skjótari enn nummar tvey, og vann hann sostatt sítt seinna DM-gull.

Móttøkan var í kappróðarnestinum hjá Vágs kappingarfelag, sum sambært Vágs kommunu verður liðugt seinni í summar.

Nógv fólk vóru og tóku ímóti Nóa, og formaðurin í Vágs Kappróðrarfelag, Rógvi Kærbech, og Dennis Holm, borgarstjóri, fluttu fram røðu og handaðu Nóa blómutyssi og gávur.