Heimsmeistararnir komnir heim til Argentina

Landsumfatandi frídagur er í Argentina í dag fyri at fegnast um heimsmeistaraheitið, sum landsliðið í fótbólti fekk sunnudagin við at finna finaluna í Katar móti Fraklandi.

Tíðliga í morgun, týsnátt í Argentina, lendi flogfarið við landsliðnum í høvuðsstaðnum Buenos Aires har stór mannfjøld tók ímóti.

Fólk í hópatali stóðu fram við vegnum allastaðni á vegnum millum flogvøllin og høvuðssætið hjá argentinska fótbóltssambandinum.

Høvuðshátíðarhaldið verður í dag á obelisktorginum í Buenos Aires seinnapartin klokkan 15, lokala tíð.

Argentinska stjórnin hevur lýst dagin í dag sum frídagur í landinum, “til tess at fjepparar kunnu úttrykkja sína djúpastu gleði fyri landsliðnum”.

Stóra stjørnan og liðskiparin, Lionel Messi, gekk á odda, tá landsliðið steig fótin á land við heimsmeistarasteypinum.