Her eru føroyameistararnir í ungdómsdeildunum

Farna vikuskiftið komu tær allarflestu ungdómskappingarnar at enda. 

Um hugt verður eftir heiðursmerkjabýtinum og hvørji feløg hava vunnið FM, so er tað rímiliga javnt. Í ungdómsfótbólti snýr tað seg fyrst og fremst um menning - í sjey deildum hevur verið kapping um heiðursmerki.


U13 genturnar hjá FC Hoyvík FM-vinnarar (Mynd: FC Hoyvík)

Á gentusíðuni vóru tríggir ymiskir vinnarar. Áhugavert er at síggja, at FC Hoyvík fekk eitt trygt FM í hús í U13 gentum. HB vann eitt gull og fekk eitt silvur, og tað gjørdi Skála  eisini (EBS/Skála í U17)


U13-dreingirnir hjá Vìkingi (Mynd: vikingur.fo)


U17-dreingirnir taptu ongan dyst í endaspælinum (Mynd: vikingur.fo)

Á dreingjasíðuni var Víkingur sterkast, og gjørdist í ár einasta felagið við tveimum FM-heitum (U13 og U17) Trý sett av silvurheiðursmerkjum endaðu í HB, og B36 og KÍ vunnu hvør sítt trygga FM-heiti - ávíkavist í U15 og U21.

Nú eru steypakapping á skránni í ymsu aldursbólkunum - finalurnar verða leiktar tíðliga í november.

U13 gentur: 
1. FC Hoyvík
2. HB
3. NSÍ

U15 gentur: 
1. HB 
2. Skála
3. Víkingur

U18 gentur:
1. EBS/Skála
2. B36
3. KÍ

U13 dreingir:
1. Víkingur 
2. HB 
3. AB

U15 dreingir: 
1. B36 
2. HB
3. KÍ

U17 dreingir:
1. Víkingur
2. HB
3. KÍ

U21 dreingir:
1. KÍ
2. 07 Vestur
3. NSÍ/B36 *

*Eitt dystur manglar at verða leiktur/skrásettur. Um B36 ikki vinnur við trimum málum, so fær NSÍ bronsu

Kelda: fsf.fo og FaroeSoccer