Ingi Samuelsen
Svimjisamband Føroya hevur úttikið teir svimjarar, sum skulu umboða Føroyar á komandi altjóða svimjikappingum.
Talan er um heimsmeistarakappingina í Ungarn 18. til 25. juni, EM fyri juniorar í Rumenia 5. til 10. juli, norðurlandakappingina fyri ungdóm í Estlandi 9. og 10. juli og EM í Italia 11. til 17. august.
Sambandi hevur fyrr boðað frá, at føroysku luttakararnir til HM kappingina í Ungarn seinni í juni verða systkinini Vár og Bartal E. Eidesgaard, úr Havnar Svimjifelag, sum eru fødd ávikavist 2001 og 2003.
Tey, sum eru úttikin til hinar altjóða kappingarnar, eru hesi:
EJM 2022 í Rumenia: Elisabeth Erlendsdóttir (2005), Havnar Svimjifelag
NMU 2022 í Estlandi: Lea Osberg Højsted (2008), Róa Trygvadóttir (2008), Heini M. Askham (2006) og Líggjas Joensen (2008) úr Ægir. Bjarta í Lágabø (2009) úr Suðuroyar Svimjifelag, Jóhanna Ólavsdóttir (2007) úr Fuglafjarðar Svimjifelag og Isak Brisenfeldt (2006) og Áki Eliassen (2006) úr Havnar Svimjifelag.
EM 2022 í Italia: Elisabeth Erlendsdóttir (2005) og Vár E. Eidesgaard (2001) úr Havnar Svimjifelag.
Vinarliga broyt tínar kennifíla - og privatlívsstillingar fyri at síggja hetta innihald