Hondbóltur

HM í Egyptalandi verður kortini uttan ákoðarar

Ætlanin um at fylla 20 prosent av áskoðaraplássunum er nú slept – HM-endaspælið hjá monnum verður í Egyptalandi í døgunum 13. – 31. januar.

Øll áskoðaraplássini í Egyptalandi verða tóm, tá HM-endaspælið í hondbólti byrjar í komandi viku

Øll áskoðaraplássini í Egyptalandi verða tóm, tá HM-endaspælið í hondbólti byrjar í komandi viku

2021-01-10 21:50 Author image
Alda Nielsdóttir
placeholder

HM-endaspælið hjá monnum, sum byrjar í Egyptalandi í komandi viku, fer fram uttan áskoðarar, vátta fyriskiparar nú á heimasíðu sínari.

Fyrr í vikuni var ætlanin annars, at 20 prosent av áskoðaraplássunum í hvørjari høll kundu fyllast. Men á fundi í dag varð avgerð tikin um ikki at loyva áskoðarum kortini.

Tað var fyri fáum døgum síðani, at evropeiska hondbóltssambandið heitti á forsetan í altjóða hondbóltssamgonguni (IHF), Hassan Moustafa um ikki at loyva áskoðarum atgongd orsakað av støðuni við covid-19.

HM-endaspælið hjá monnum byrjar mikudagin 13. januar og endar 31. januar.

placeholder
placeholder