Fótbóltur

Høgni Egilstoft Nielsen aftur í 07 Vestur næsta kappingarár

Hann kom aftur í fjør eftir drúgvan skaða í fyrsta umfari í 2020.

(Savnsmynd: Sverri Egholm)

(Savnsmynd: Sverri Egholm)

2021-12-29 21:02 Author image
Sverri Egholm
placeholder

07 Vestur: Høgni Egilstoft Nielsen, ið kom aftur í ár eftir drúgvan skaða, hevur gjørt nýggjan sáttmála við 07 Vestur, og verður sostatt eisini ein týðningarmikil leikari fyri Magnus Powell.

Í fyrsta umfarinum í fjør, 2020, var Høgni óheppin og fekk ein álvarsligan knæskaða, sum gjørdi at hann ikki spældi aftur fyrr enn í apríl í ár, í 4. umfari. Síðan spældi hann seg varliga í form, eisini umvegis nakrar dystir í 2. deild. Út á kappingarárið gjørdist hann fastur maður aftur og endaði kappingarárið sera væl á høgra bakki við tveimum málum.

[object Object](Mynd: 07 Vestur)

24-ára gamli sandavágsmaðurin, hóast ungan aldur, mest leikandi av enn aktivu leikarunum hjá 07 Vestur, við 176 dystum á besta liði felagsins. Í ár hevur hann tikið Jovan Radinovic-Panic og Tórstein Mýlingstind aftur, og er sostatt eisini 4. mest leikandi samanlagt, bert aftanfyri Tór-Ingar Akselsen (216), Holgar Durhuus (202) og Jóannis á Steig (178)

Tað eru longu heili 8 ár síðan Høgni at kalla fekk gjøgnumbrot sítt á besta liðinum hjá 07 Vestur tá hann spældi seg inn á liðið bert 16 ára gamal. Fyrsti dysturin var móti B36 í 19 umfari í Betri Deildini, og síðan hevur hann verið partur av liðinum. Eisini eitt skiftið var Høgni liðskipari, men eftir longu skaðafráveruna hava aðrir tikið yvir.

Høgni verður, sum áður nevnt, uttan iva ein týðningarmikil leikari fyri Magnus Powell og 07 Vestur, eins og hann er ein fyrimynd fyri yngru leikararnar hjá 07 Vestur.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder