Fótbóltur

Høgru bakkarnir á A-landsliðnum við at halda verkstovu

Millum jól og nýggjar legði Hondbóltssamband Føroya millum annað dent á menningina av lámum bakkar, ið tað ikki eru nógvir av í Føroyum. Endamálið hjá HSF er nú at betri lofta og menna spælarar, ið kasta við vinstru hond.

- Lámar eru ein mangulvøra í føroyskum hondbólti, og tað er nakað, sum sjóneyka skal setast á, tá fleiri av okkara landsliðum spæla uttan lámar bakkar (Mynd: Hondbóltssamband Føroya)

2023-01-04 20:45

Agnar Prestá

Millum jól og nýggjár var serlig verkstova hildin fyri lámar bakkar - hondbóltsspælarar ið kasta við vinstru hond og spæla á høgra bakki. Verkstovan var fyri leikarar kring føroysku ungdómslandsliðini og var endamálið at kasta ljós á týdningin av júst hetta ávísa plássið á vøllinum.

Hetta skrivar Hondbóltssamband Føroya. Har er man varugur við, at viðurskifti skulu betrast fyri at menna spælarar, sum kasta við vinstru hond - og serliga tey sum spæla í bakktekuni. Annars hevur tað avmarkingar við sær á millum annað landsliðunum.

- Lámar eru ein mangulvøra í føroyskum hondbólti, og tað er nakað, sum sjóneyka skal setast á, tá fleiri av okkara landsliðum spæla uttan lámar bakkar. Hetta avmarkar spælið taktiskt. HSF ynskir tískil at varpa ljós á hetta og fer komandi tíðina, saman við feløgunum at leggja meira fyri at lofta og menna lámu leikararnar betri.

Tað var Mark Lausen-Marcher, ítróttastjóri í HSF og U20-landsliðsvenjari, sum saman við Kjartani Johansen og Vilhelm Poulsen hildu verkstovuna. Kjartan og Vilhelm spæla yrkishondbólt og eru á A-landsliðnum - báðir eru lámir og spæla á høgra bakki.

[object Object]

Landsliðsleikarar og luttakarar í høllini á Argjum (Myndir: HSF)

Vinarliga broyt tínar kennifíla - og privatlívsstillingar fyri at síggja hetta innihald