Í dag verður kappríðingin við Leynavatn

Vegna veður varð neyðugt at útseta árligu kappríðingina við Leynavatn, sum skuldi vera í gjár, men í dag eru fortreytirnar munandi betri.

Tí hevur nevndin í Føroya Ríðingarfelag avgjørt, at kappríðingin verður seinnapartin í dag – við tí fyrivarni, at startdómari og dómsnevnd góðkenna breytina, skrivar Ríðingarfelagið.

Kappríðingin byrjar klokkan 15. 36 fara at kappast. Kappast verður í skeið, tølt, trav, og tvíspor.