Fótbóltur

Inter og Sevilla spæla Europa League finaluna

Inter vann 5-0 á Shakhtar Donetsk í gjárkvøldið.

Romelu Lukaku leggur Inter framum 4-0 í hálvfinaluni móti Shakhtar Donetsk í gjárkvøldið (Mynd: EPA)

2020-08-18 08:31

Ingi Samuelsen

Italska felagið Inter Milan tryggjaði sær í gjárkvøldið luttøku í finaluna í Europa League, har spanska felagið Sevilla verður mótstøðulið.

Onnur hálvfinalan í Europa League varð spæld í Düsseldorf í gjárkvøldið millum Milan og Shakhtar Donetsk úr Ukreina. Og italska felagið kom leikandi lætt víðari við einum tryggum 5-0 sigri.

Argentinski Lautaro Martínez og belgiski Romelu Lukaku skutu tvey mál hvør og Danilo D’Ambrosio skjeyt eitt.

Europa League finalan verður spæld í RheinEnergie Stadion í Köln nú fríggjakvøldið millum Milan og Sevilla, sum sunnukvøldið sló Manchester United úr kappingini við einum 2-1 sigri.

Vinarliga broyt tínar kennifíla - og privatlívsstillingar fyri at síggja hetta innihald