Jana Mittún ovast á listanum

HM-endaspælið er av fyri Føroyar, og føroyska heimasíðan Handballstatz hevur gjørt hagtølini hjá okkara kvinnum upp.

Tær hava staðið væl og talan er um eitt samanlagt sterkt kollektivt avrik.

Jana Mittún gjørdist ikki einans mest avgerðandi leikarin hjá Føroyum, men eisini ein av teimum týðandi í allari kappingini. Við 32 málum og 29 uppleggum liggur hon nummar eitt á listanum yvir samlað mál + upplegg eftir seks dystir.

Føroyski toppskjúttin gjørdist Pernille Branden­borg við 34 málum. Hon endar á einum deildum fjórða plássi á toppskjúttalistanum.

(Mynd: Sverri Egholm)

Málverjarnar hjá Føroyum hava tilsamans 67 bjargingar og eitt samlað bjargingaprósent á 28,39.

(Mynd: Sverri Egholm)

Hagtølini síggjast her

--

Video: Yvirhálað á málstrikuni

--