Jana Mittún spælir evropeiska hálvfinalu í morgin

Trý føroyingafeløg eru við í Final Four í tveimum teimum fremstu evropeisku kappingunum.

Hákun West av Teigum og Füchse Berlin eru aftur millum fýra tey bestu í bestu kappingini, Champions League.

Sí eisini: Champions League: Füchse Berlin er aftur í Final Four

THW Kiel er annað árið á rað í Final Four í European League, næststerkastu kappingini. Tað er ein møguleiki fyri, at Elias Ellefsen á Skipagøtu spælir í hesum dystunum um 15-16 dagar.

Systkinabarnið Jana Mittún skal í morgin spæla hálvfinalu í European League hjá kvinnum.

Spælt verður móti týska Thüringer, sum vann kappingina í fjør. Har kann føroyski landsliðsprofilurin fáa stóran leiklut.

Jana Mittún skal royna royna seg í Final Four í evropeiskari kapping á fyrsta sinni (Mynd: Sverri Egholm)

Franska Dijon, sum er vertur fyri Final Four, er í hinari hálvfinaluni saman við ungarska MOL Esztergom.

Dysturin hjá Janu byrjar klokkan 14 føroyska tíð og sæst á Viaplay.

Liðini, sum vinna í morgin, spæla finalu í European League sunnudagin. Hini spæla bronsudyst