Jóannes Bjartalíð longt við KÍ

Jóannes Bjartalíð er glóðheitur. So heitur, at barndómsfelagið í kvøld hevur longt sáttmálan við 23 ára gamla málrevin.

Tað skrivar heimasíðan hjá Norðlýsinum í kvøld.

Jóannes Bjartalið hevur síðani hann kom á liðið í 2015 spælt allar landskappingardystirnar fyri KÍ uttan tveir.

Í fjør varð hann valdur til ársins leikara, og hevði týðandi leiklut í FM-heitinum.

Hann liggur ovast á máltindinum saman við Adriani Justinussen úr HB við seks málum.