Hondbóltur

Jóhan á Plógv Hansen á veg víðari

Danskir miðlar skriva, at føroyingurin á danska landsliðnum verður settur í samband við týska stórfelagið Flensburg-Handewitt.

Johan á Plógv Hansen (Mynd: EPA)

Johan á Plógv Hansen (Mynd: EPA)

2021-02-23 14:55 Author image
Sverri Egholm
placeholder

Jóhan á Plógv Hansen, sum í løtuni spælir í Hannover-Burgdorf verður nú settur í samband við týskt stórfelag.

Sambært TV2 Sport, verður hann partur av hópinum hjá Flensburg-Handewitt um ikki so langa tíð.

26 ára gamli havnardrongurin hevur sáttmála við Hannover-Burgdorf til á sumri 2022, og tá skiftir hann eftir øllum at døma til eitt av oddaliðunum í týskum hondbólti.

Liðfelagin á danska landsliðnum, Lasse Svan, situr í løtuni á postinum sum høgri vongur í Flensburg-Handewitt, men sáttmálin hjá Svan gongur út næsta summar, skrivar tv2.dk

Tað hevur gingið væl hjá Jóhan á Plógv Hansen seinastu árini. Hann hevur vunnið sær lutfallsliga trygt pláss á danska landsliðnum, og hevur verið við til at vinna heimsmeistaraheitið í 2019 og 2021.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder